იოანე ოქროპირი (საქართველოს კათოლიკოს-პატრიარქი)

იოანე ოქროპირი დაახლოებით 1033-1049 წლებში იყო საქართველოს კათოლიკოს-პატრიარქი. ადრე მოღვაწეობდა კალიპოსა და ათონის მონასტრებში იოანე  და ექვთიმე მთაწმინდელებთან. კარგი მქადაგებელი ყოფილა, ამიტომაც უწოდებიათ ოქროპირი. იოანე-ოქროპირს დაუმტკიცებია მელქისედეკ I კათოლიკოს-პატრიარქის მიერ მცხეთის სვეტიცხოვლისთვის  ბოძებული "დაწერილი", აუგია ფოკის (ისტორიული ჯავახეთი) ეკლესია, რომლის სამშენებლო წარწერაში მოხსენიებულია თვითონ. ანტონ I-ის "წყობილსიტყვაობაში" იოანე-ოქროპირი დახასიათებულია როგორც გამოჩენილი საეკლესიო მოღვაწე.

წყარო: ქართული საბჭოთა ენციკლოპედია: ტ. 5.- თბ., 1981.- გვ. 191