სილიბისტრო ლომჯარია

დაბადების ადგილი: სოფელი ჭანიეთი, ოზურგეთის რაიონი.

1901 წელს შევიდა მუშათა სოციალ-დემოკრატიულ წრეში. 1901 წლის 31 დეკემბერს ბათუმში მის ბინაზე ი. სტალინის ხელმძღვანელობით შეიქმნა ბათუმის სოციალ-დემოკრატთა ჯგუფი. მან აქტიური მონაწილეობა მიიღო როტშილდის ქარხნის მუშათა 1902 წლის გაფიცვასა და ბათუმის მუშათა 9 მარტის დემონსტრაციაში, რის გამოც დააპატიმრეს. 2 ივნისს გაათავისუფლეს და პოლიციის განსაკუთრებული ზედამხედველობა დაუწესეს. როტშილდის ქარხანაში მან კვლავ განაგრძო რევოლუციური მოღვაწეობა. 1903 წლის 22 ივნისს ერთ-ერთმა პროვოკატორმა სასიკვდილოდ დაჭრა. მის დაკრძალვას 3 ათასამდე კაცი დაესწრო. აქ წარმოთქვეს თვითმპყრობელობის წინააღმდეგ მიმართული სიტყვები. ცნობა ლომსაძის დაღუპვისა და დაკრძალვის შესახებ დაიბეჭდა ლენინურ ისკრაში 1903 წლის 1 აგვისტოს. რევოლუციური მოძრაობის მოღვაწე საქართველოში.

წყარო: ქართული საბჭოთა ენციკლოპედია: ტ. 6.-თბ., 1983.-გვ.288