ფიქრია ზანდუკელი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1956 წელს.

მუშაობდა ამავე უნივერსიტეტში, იყო ფოლკლორისტიკის განყოფილების წამყვანი მეცნიერი-თანამშრომელი. პირველი სამეცნიერო ნაშრომი გამოაქვეყნა 1959 წელს, პირველი წიგნი "იავნანა"–1965 წელს. იკვლევდა საბავშვო ფოლკლორის, საწესჩვეულებო პოეზიის, ხალხური პროზის, მხატვრული ოსტატობის, ფოლკლორული ჟანრების თავისებურებებს რეგიონების მიხედვით და სხვ. საკითხებს. ძირითადი ნაშრომები: "ფოლკლორი და ქართველი საბავშვო მწერლები" (1974), "ქართული საბავშვო ფოლკლორის საკითხები" (1977), "წერილები საბავშვო ფოლკლორზე" (1980), "მხატვრული ოსტატობის საკითხები ქართულ ფოლკლორში" (1985), "ქართული ფოლკლორის მოკლედ ანოტირებული ბიბლიოგრაფია (1829–1901)" (წგ. 1, 1973, ე. ვირსალაძესა და მ. გოგიჩაიშვილთან ერთად) და სხვ. ფილოლოგიის მეცნიერებათა დოქტორი (1995).

საკანდიდატო დისერტაციის თემა - "ქართული ანდაზები", დაიცვა 1961 წელს; სადოქტორო დისერტაციის თემა - "ქართული საბავშვო ფოლკლორი", დაიცვა 1995 წელს.

წყარო: საქართველო: ენციკლოპედია: ტ.III.–თბ., 2014.-გვ.307; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ464

• 1988 - საქართველოს სახელმწიფო პრემია (ერთობლივი გამარჯვება)
  ქართული ხალხური პოეზიის თორმეტტომეულის მომზადებისათვის

• მხატვრული ოსტატობის საკითხები ქართულ ფოლკლორში (ავტორი). - თბილისი, ნაკადული, 1985. - 208გვ.
• წერილები საბავშვო ფოლკლორზე (ავტორი). - თბილისი, ნაკადული, 1980. - 119გვ.
• ქართული საბავშვო ფოლკლორის საკითხები (ავტორი). - თბილისი, ნაკადული, 1977. - 221გვ.