მედეა ფანიაშვილი

დაბადების ადგილი: ქ. თბილისი.

დაამთავრა თბილისის IV მუსიკალური სასწავლებელი, ვანო სარაჯიშვილის სახელობის თბილისის სახელმწიფო კონსერვატორია 1968 წელს(საფორტეპიანო).

1968–1994წწ. იყო ვ. სარაჯიშვილის სახელობის თბილისის სახელმწიფო კონსერვატორიის სადირიჟორო კლასის კონცერტმაისტერი, პედაგოგი(კამერული ანსამბლი), 1993 წლიდან პროფესორი; ეწეოდა საკონცერტო მოღვაწეობას როგორც სოლისტი, კონცერტმაისტერი, ანსამბლისტი; 1970–1994წწ. იყო საფორტეპიანო დუეტის დამაარსებელი და წევრი(მ. ალთუნაშვილთან ერთად); მ. ფანიაშვილისა და მ. ალთუნაშვილის საფორტეპიანო დუეტმა ხელი შეუწყო ქართველ კომპოზიტორთა რიგი საფორტეპიანო დუეტების შექმნას; ისინი ქართული საფორტეპიანო დუეტების აქტიური შემსრულებლები და პროპაგანდისტები იყვნენ; მედეა ფანიაშვილმა დააარსა "ძველებური მუსიკის საღამოები", სადაც ეწეოდა XX საუკუნის ქართული და უცხოური მუსიკის პროპაგანდას; 1991–1994წწ. იყო მის მიერვე დაარსებული თბილისის მუსიკალურ–პედაგოგიური ინსტიტუტის რექტორი და პედაგოგი(ფორტეპიანო, კამერული ანსამბლი); ქართული დუეტები, საფორტეპიანო დუეტები: ვ. აზარაშვილი "ქართული სიუიტა", "ესპანური სიუიტა", "ძველებური სიუიტა", ტ. ბაქრაძე სიუიტა "ამორძალები", "იმპროვიზაცია", ა. მაჭავარიანი 2 პიესა, "ძველებური ცეკვა", შ. მშველიძე 2 პიესა, ს. ნასიძე სიუიტა "3 ხალხური ცეკვა", ო. თაქთაქიშვილი სიუიტა, ფ. ღლონტი ტოკატა, ს. ცინცაძე სიუიტა ბალეტიდან "დემონი"; სოლო პირველი შესრულება: ა. ბალანჩივაძე სონატა ვიოლინოსა და ფორტეპიანოსათვის, ვ. აზარაშვილი ვოკალური ციკლი შ. ნიშნიანიძის ლექსებზე, "თეატრალური ნიღბები", ო. თევდორაძე საფორტეპიანო კონცერტი N3, ა. ანდრიაშვილი "4 ქორეოგრაფიული ნოველა" ფორტეპიანოსათვის; სხვა რეპერტუარი 2 ფორტეპიანოსათვის: ბრამსი, ბრუბეკი, ბუქსტეჰუდე, დებიუსი, ლიადოვი, მოცარტი, სენ–სანსი, ტელემანი, შუმანი; გასტროლები სსრკ, საქართველო(რამდენიმე ასეული კონცერტი); პიანისტი, ანსამბლისტი, მუსიკალური ორგანიზატორი, მუსიკალურ–საზოგადო მოღვაწე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 460

• 1983 - საქართველოს დამსახურებული არტისტი