ეთერ ფაღავა

დაბადების ადგილი: ქ. პარიზი.

ქორეოგრაფიას ეზიარა ქ. პარიზში ლ. ნ. ეგოროვას ხელმძღვანელობით; სასცენო მოღვაწეობა დაიწო 12 წლის ასაკში; 1945 წელს ცნობილმა ქორეოგრაფმა რ. პეტიმ მიიწვია თავის დასში და მისცა პატარა აკრობატის როლი, რომელმაც აღაფრთოვანა საზოგადოება; 1947 წლიდან იყო "მონტე–კარლო გრან–ბალე"–ს(მარკიზ დე კუევას საბალეტო დასი) სოლისტი; 15 წლის ასაკიდან უკვე სოლისტი, ბალეტის ისტორიაში ყველაზე ახალგაზრდა ბალერინა–სოლისტი; 1970 წელს დააარსა საკუთარი საბალეტო დასი "Les Ballets Ethery Pagava"; ბუნებით ნოვატორი, ახალ გზებს ეძებდა საბალეტო ხელოვნების პოპულარიზაციისათვის; ის იყო ერთ–ერთი პირველთაგანი, რომელმაც გაიტანა საბალეტო ცეკვა მასებში; თავისი იდეა განახორციელა "მუსიკისა და ცეკვის" თეატრთან და უდიდეს რეჟისორ ჟ. ლ. ბაროსთან ერთად; ისინი ღია ცის ქვეშ, სპეციალურად დამონტაჟებულ სცენაზე მართავდნენ საბალეტო წარმოდგენებს; გარდა ამისა, 20 წლის მანძილზე ყველა სოციალური ფენის ბავშვებისა და ახალგაზრდებისათვის დგამდა საბალეტო წარმოდგენებს, თავის მეუღლესთან, მომღერალ ჟაკ დუესთან(1920–2004) ერთად; თანამშრომლობდა: იტალიის, ნიდერლანდების, საფრანგეთის დასებთან, ქორეოგრაფებთან – ჯ. ბალანჩინი, რ. პეტი, ჟ. სკიბინი, ჟ. შარა, ს. ლიფარი, კომპოზიტორებთან, მხატვრებთან, რეჟისორებთან; რეპერტუარი, რ. პეტიესთან შესრულებული როლები: "მოხეტიალე კომედიანტები"(სოგეს მუსიკა), "იუპიტერის სასიყვარულო თავგადასავლები"(იბერის მუსიკა), ჯ. ბალანჩინთან სომნანბულა(ბელინის მუსიკა), ჟ. სკიბინისთან "ვერონის ტრაგედია"(ჩაიკოვსკის); დადგმები, საკუთარ დასში: "სამშვენისები"(1969, შეფერის მუსიკა), "ღამე"(1970, ვივალდი), "სიტყვა"(1972, პენდერეცკი); გასტროლები: თბილისი(1966, ჟიზელი, ადანი "ჟიზელი", ჩელიტა, მინკუსი "დონ კიხოტი"), მოსკოვი, ლენინგრადი, მილანი, ამსტერდამი, ლონდონი, ედინბურგი, მადრიდი, ლისაბონი, ნიუ–იორკი, ქაირო; XX საუკუნის ფრანგული ბალეტის ვარსკვლავი, საზოგადო მოღვაწე; დამოუკიდებელი საქართველოს პირველი პრეზიდენტის, ნ. ჟორდანიას შვილიშვილი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 462