კოტე ფირცხალავა

დაბადების ადგილი: ქ. სოხუმი.

დაამთავრა ქ. მოსკოვის სახალხო მეურნეობის ინსტიტუტი 1957 წელს, ვანო სარაჯიშვილის სახელობის თბილისის სახელმწიფო კონსერვატორია 1964 წელს(ვოკალური).

1965–1975წწ. იყო ვ. სარაჯიშვილის სახელობის თბილისის სახელმწიფო კონსერვატორიაში დ. ანდღულაძის ასისტენტი; 1966–1975წწ. ზ. ფალიაშვილის სახელობის თბილისის ოპერისა და ბალეტის თეატრის წამყვანი სოლისტი(ლირიკულ–დრამატული ტენორი); ქართული რეპერტუარი: თანდარუხი, აბესალომი, მალხაზი(ზ. ფალიაშვილი "აბესალომ და ეთერი", "დაისი"), შოთა(დ. არაყიშვილი "თქმულება შოთა რუსთაველზე", 1966, თბილისის კონსერვატორიის საოპერო სტუდია), განდეგილი(ს. ცინცაძე "განდეგილი", 1972 პრემიერა, 1973 წელს ჩაწერილია გრამფირფიტაზე "მელოდიაში"), თემური(ა. ბალანჩივაძე "ოქროს ქორწილი", 1970 პრემიერა), ქართული რომანსები; სხვა რეპერტუარი: ერნესტი, ედგარი(დონიცეტი "დონ პასკუალე", "ლუჩია დი ლამერმური"), ლოენგრინი(ვაგნერი "ლოენგრინი"), მონოსტატოსი(მოცარტი "ჯადოსნური ფლეიტა"), შვილი(რახმანინოვი "ძუნწი რაინდი"); გასტროლები: ზ. ფალიაშვილის "დაისი", ლოძი, ვარშავა(1969, პოლონეთი), ოლომოუცი( 1976, ჩეხეთი).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 467

• საქართველოს დამსახურებული არტისტი