გიორგი მაევსკი

დაბადების ადგილი: სოფელი ზემო ჩოჩეთი, ახლანდელი კასპის რაიონი.

დაამთავრა ამიერკავკასიის ჰიდროტექნიკური ტექნიკუმი 1929 წელს; დაუსწრებლად კიევის სამშენებლო ინსტიტუტი - 1931 წელს; სსრკ ელექტროსადგურების სამინისტროს ენერგეტიკული აკადემია - 1954 წელს.

1929-1933წწ. მუშაობდა დნეპროჰესის მშენებლობაზე ოსტატად, სამუშაოთა მწარმოებლად; 1933-1939წწ. - ბაქსანმშენის (ყაბარდო-ბალყარეთის ავტონომიური რესპუბლიკა) კაშხლის მთავარი კვანძის უფროსი; 1939-1949წწ. - ხრამჰეს-1-ის, სამგორის ჰესებისა და ყარაბულხაჰესის მშენებლობების უფროსი; 1954-1965წწ. - სიონჰესის მშენებლობის უფროსი; 1965-1967წწ. - ასუანის მაღლივი კაშხლის (არაბთა გაერთიანებული რესპუბლიკა) მშენებლობის უფროსი სპეციალისტი; 1967-1971წწ. - ენგურჰესის ჯერ მშენებლობის სამმართველოს უფროსის მოადგილე, შემდეგ - მშენებარე ჰესის დირექციის მთავარი ინჟინერი; დაჯილდოებული იყო ორდენებითა და მედლებით.

წყარო: ქართული საბჭოთა ენციკლოპედია: ტ. 6.-თბ., 1983.-გვ.344; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.204

• სკკპ, წევრი (1946-)

• 1961 - საქართველოს დამსახურებული ინჟინერი
• 1951 - სსრკ სახელმწიფო პრემია (ჯგუფთან ერთად)
• შრომის წითელი დროშის ორდენი (2 ორდენი)
• საპატიო ნიშნის ორდენი