ლეო რჩეულიშვილი

დაბადების ადგილი: სოფელი ხოვლე, კასპის რაიონი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1932 წელს.

1936 წლიდან იყო ხელოვნების მუზეუმის "მეტეხის", 1941-1986წწ. - ქართული ხელოვნების ისტორიის ინსტიტუტის თანამშრომელი, 1954-1986წწ. - თბილისის სახელმწიფო სამხატვრო აკადემიის ხელოვნების ისტორიისა და თეორიის კათედრის გამგე, პროფესორი; იკვლევდა შუა საუკუნეების საეკლესიო და საერო ხუროთმოძღვრებას, XX საუკუნის ქართველ მხატვართა შემოქმედებას. ვ. ბერიძესა და ზ. ქურდიანთან ერთად გამოსცა წიგნი "თბილისი" (რუს. ენაზე, მოსკოვი, 1951), არქიტექტურის ისტორიკოსთა ჯგუფთან ერთად მოამზადა მონოგრაფია "თბილისის მეტეხის ტაძარი" (თბ., 1969); გამოკვლეული აქვს 1930-იან წლებში განადგურებული ე. წ. "გუბერნატორის სახლი" (ახლანდელი ძმები ზუბალაშვილების ქუჩაზე), საგანგებოდ შეისწავლა ძველი თბილისის სახე ე. ახვლედიანის შემოქმედებაში (ე. ახვლედიანის "ძველი თბილისი", თბ., 1965); მიღებული აქვს სახელმწიფო ჯილდოები; ხელოვნების ისტორიკოსი, საზოგადო მოღვაწე.

წყარო: თბილისი: ენციკლოპედია.- თბ., 2002. - გვ.758; საქართველოს არქიტექტორთა და მშენებელთა ენციკლოპედია. - თბ., 2017.-გვ.494; ჩუბინაშვილის ცენტრის ვებ გვერდი: gch-centre.ge

• 1954 - საქართველოს ხელოვნების დამსახურებული მოღვაწე

• ქართული ხელოვნების ისტორიის ნარკვევები : ქართული ხელოვნების ისტორიის ნარკვევები (თანაავტორი). - თბილისი, მეცნიერება, 1994. - 336გვ.
• Купольная архитектура VIII-X веков в Абхазии (ავტორი). - Тбилиси, Мецниереба, 1988. - 91с.
• თელავი : ისტ.-ეთნოგრ. მიმოხილვა (ავტორი). - თბილისი, საბჭ. საქართველო, 1963. - 47გვ.
• თიღვა : შარვანის დედოფლის თამარის აღმშენებლობა (ავტორი) // ნარკვევი XII ს. ხუროთმოძღვრებიდან. - თბილისი, 1960. - 111გვ.
• Тбилиси (თანაავტორი). - Москва, Архитектуры и градостроительства, 1951. - 95с.