ოთარ ზარდალიშვილი

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტი 1952 წელს.

1952–1977 წლებში მუშაობდა საქართველოს ნიადაგმცოდნეობის, აგროქიმიისა და მელიორაციის სამეცნიერო-კვლევით ინსტიტუტში აგროქიმიის განყოფილების გამგედ, შემდეგ დირექტორის მოადგილედ სამეცნიერო ნაწილში. 1977–1981 წლებში იყო აგროქიმიის მომსახურების საკავშირო ინსტიტუტის თბილისის ფილიალის დირექტორი, 1982–1992 წლებში საქართველოს სასოფლო-სამეურნეო ინსტიტუტის აგროქიმიის კათედრის გამგე. ოთარ ზარდალიშვილმა გამოიკვლია აზოტის მიმოქცევა საქართველოს მიწათმოქმედებაში, დასახა მისი რეგულირების გზები. შეისწავლა საქართველოს ნიადაგებში მიკროელემენტების შემცველობის კანონზომიერებანი, დაადგინა მიკროსასუქების გამოყენების პირობები. ავტორია 10 მონოგრაფიული და მრავალი სამეცნიერო ნაშრომისა. ეწეოდა სამეცნიერო-პედაგოგიურ მოღვაწეობას. 1984 წლიდან იყო საქართველოს სახელმწიფო აგრარული უნივერსიტეტისტის აგრონომიის ფაკულტეტის აგროეკოლოგიის დეპარტამენტის აგროქიიმის განყოფილების სრული პროფესორი. სოფლის მეურნეობის მეცნიერებათა დოქტორი (1973). პროფესორი (1980). მიღებული აქვს სახელმწიფო ჯილდოები. აგროქიმიკოსი.

წყარო: საქართველო: ენციკლოპედია: ტ.III.–თბ., 2014.-გვ.311; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.353

• საქართველოს სოფლის მეურნეობის მეცნიერებათა აკადემია , ნამდვილი წევრი (1992-)

• 1998 - ღირსების ორდენი
  სტუდენტთა აღზრდასა და განათლებაში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვისთვის
• 1984 - საქართველოს მეცნიერებათა დამსახურებული მოღვაწე

• ორგანული სასუქების წარმოება და გამოყენება საქართველოში (ავტორი). - თბილისი, საქართველო, 1990. - 133გვ.
• მანგანუმის გავლენა აზოტის გამოყენების კოეფიციენტზე საკვებ ჭარხალში (ავტორი). - თბილისი, 1990. - 4გვ.
• მიკროელემენტების გამოყენება მიწათმოქმედებაში (ავტორი). - თბილისი, საბჭ. საქართველო, 1988. - 128
• აზოტის ბალანსი საქართველოს მიწათმოქმედებაში (ავტორი). - თბილისი, საბჭ.საქართველო, 1977. - 164გვ.