The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



შალვა ხერხეულიძე

შალვა ხერხეულიძე
დაბადების თარიღი:21 მაისი, 1908
გარდაცვ. თარიღი:20 აპრილი, 1993  (84 წლის ასაკში)
კატეგორია:მსახიობი

ბიოგრაფია

დაბადების ადგილი: ქ. ბაქო.

დაამთავრა ქუთაისის ინდუსტრიული ტექნიკუმი; შემდგომ წლებში სწავლობდა თბილისის სახელმწიფო ინდუსტრიულ ინსტიტუტში.

1925 წლიდან მონაწილეობდა სახალხო თეატრებსა და მუშათა კლუბების სპექტაკლებში. პროფესიულ სასცენო მოღვაწეობას ეწეოდა 1933 წლიდან; მუშაობდა ფოთის, სიღნაღის, ხაშურის, ბორჯომის სახელმწიფო თეატრებსა და 1933-1940წწ. ბაქოს ქართველთა თეატრში; 1941-1940წწ. გორის სახელმწიფო თეატრში; 1981 წლიდან იყო თბილისის კინომსახიობთა თეატრის მსახიობი. შესრულებული აქვს 250-მდე როლი: მ. შ. სოლეიმანი, ოთარბეგი, ანანია (სუმბათაშვილის "ღალატი"); პეტრუჩიო (შექსპირის "ჭირვეული ცოლის მორჯულება"); პრეზიდენტი, ჰოფმარშალი (შილერის "ვერაგობა და სიყვარული"); ყვარყვარე (პ. კაკაბაძის "ყვარყვარე თუთაბერი"); ფიცილა (გ. ნახუცრიშვილის "კომბლე"); პეპო (სუნდუკიანის "პეპო"); თედუა (მ. ელიოზიშვილის "ბებერი მეზურნეები"); ავეტიქა, გიჟუა (ა. ცაგარელის "რაც გინახავს, ვეღარ ნახავ") და სხვ.; 1954 წლიდან მოღვაწეობდა კინოში. შესრულებული აქვს როლები: მღვდელი ტროფონი ("მაგდანას ლურჯა"); მეწისქვილე ("კეთილი ადამიანები"); ამბაკო ("მე, ბებია, ილიკო და ილარიონი"); დავითი ("ქალაქი ადრე იღვიძებს"); თიბო ("დიდედები და შვილიშვილები"); მიხო ("ღიმილის ბიჭები"); ეპისკოპოსი ("ეპისკოპოსი ნადირობაზე"); ფოტოგრაფი ("ჩემი არდადაგები"); ასიკო ("წყარო გზის პირას"); თავადი ("კოლხური ბალადა"); შალვა დევნოსაძე ("მშობლიურო ჩემო მიწავ (რაიკომის მდივანი)"); ავქსენტი ოდიშარია ("ყოჩაღ პაპებო"); ვარდენი ("გამოაღეთ ფანჯრები"); თაქთაქიშვილი ("წიგნი ფიცისა"); მჭედელი კოლა ("მჭედელი"); უსტაბაში ("სამი ალიყური"); თავადი ყარაშვილი ("ხარება და გოგია") და სხვ.

წყარო: ქართული საბჭოთა ენციკლოპედია: ტ. 11.-თბ., 1987.-გვ.473; ეროვნული ფილმოგრაფია: www.geocinema.ge

ჯილდოები, პრემიები და პრიზები

  • 1965 - საქართველოს სახალხო არტისტი
  • 1950 - საქართველოს დამსახურებული არტისტი

გააზიარე: