აპოლონ მაიკოვი

პირველი ლექსი 1835 წელს გამოაქვეყნა. პირველი კრებული 1842 წელს. 40-იან წლებში დაუახლოვდა ბელინსკის, პეტრაშეველებს, "ნატურალური სკოლის" გავლენით დაწერა პოემები "ორი ბედი"(1845), "მაშენკა", "ქალიშვილს"(1846). 1861 წელს აღფრთოვანებული ლექსებით შეხვდა საგლეხო რეფორმას ("სურათი", "ყანა", "მინდვრები"). იგი დაუპირისპირდა რევოლუციონერ-დემოკრატებს, მიემხრო "წმინდა ხელოვნების" მქადაგებლებს. 70-იანი წლებიდან მწერალი მეტწილად რელიგიურ-ფილოსოფიურ ლექსებს წერდა. მას ეკუთვნის ლექსი "ქართველ ქალს"(1842). იგი პოპულარული იყო საქართველოში. ილია ჭავჭავაძემ თავის ლექსში "პასუხი" (1861) დადებითად შეაფასა მისი ერთ-ერთი ლექსი, ხოლო რაფიელ ერისთავმა გადმოაკეთა მისი ლექსები ''სათიბი" და "ნანა". რუსი პოეტი. 

წყარო: ქართული საბჭოთა ენციკლოპედია: ტ. 6.-თბ., 1983.-გვ.362; საქართველო: ენციკლოპედია: ტ.5. -თბ.,2023. -გვ.464