ჯიმი ზარიძე

დაბადების ადგილი: ქ. ახალი ათონი, გუდაუთის მუნიციპალიტეტი.

დაამთავრა თბილისის უმაღლესი საარტილერიო სამეთაურო სამხედრო სასწავლებელი 1973 წელს, ლენინგრადის მ. კალინინის სახელობის სამხედრო-საარტილერიო აკადემია 1983 წელს.

1973–1978 წლებში მსახურობდა გერმანიის დემოკრატიულ რესპუბლიკაში საბჭოთა ჯარებში. 1991–1992 წლებში იყო საარტილერიო პოლკის მეთაური, 1992–1993 წლებში საქართველოს თავდაცვის სამინისტროს სარაკეტო ჯარებისა და არტილერიის უფროსის მოადგილე. 1993–1997 წლებში გაერთიანებული სამხედრო აკადემიის უფროსის მოადგილე, 2001–2002 წლებში სახმელეთო ჯარების სარდლის მოადგილე, 2002–2003 წლებში გენერალური შტაბის ოპერატიული დეპარტამენტის უფროსის მოადგილე, 2003–2004 წლებში ეროვნული სასწავლო ცენტრის უფროსი. 2004 იყო საქართველოს შეიარაღებული ძალების არტილერიის სარდალი, 2005–2006 წლებში საქართველოს შეიარაღებული ძალების შტაბის უფროსის მოადგილე. დაჯილდოებულია საბრძოლო ორდენით და მედლით. ბრიგადის გენერალი (2005).

წყარო: საქართველო: ენციკლოპედია: ტ.III.–თბ., 2014.-გვ.316