მიხეილ სახოკია

დაბადების ადგილი: სოფელი ბაღმარანი, ახლანდელი გულრიფშის მუნიციპალიტეტი.

დაამთავრა თბილისის სახელმწიფო უნივერსიტეტი 1926 წელს. 

მისი ხელმძღვანელობით და უშუალო მონაწილეობით შეიქმნა საქართველოს სსრ მეცნიერებათა აკადემიის ბოტანიკის ინსტიტუტის შირაქისა (1939) და ყაზბეგის (1961) სამეცნიერო სტაციონარები. 1961 წლიდან ყაზბეგის მაღალმთის სტაციონარის გამგე. მას ეკუთვნის გამოკვლევები ფლორისტიკაში, მცენარეთა სისტემატიკაში, ბოტანიკაში, გეოგრაფიაში, გეობოტანიკაში (კავკასიის მცენარეულობის კლასიფიკაცია, კარტოგრაფირება, მთიანი ქვეყნების ვერტიკალური სარტყლიანობის და გეობოტანიკური დარაიონების პრინციპების დამუშავება). ავტორთა კოლექტივთან ერთად შექმნა სსრკ ევროპული ნაწილის მცენარეულობის რუკა (I გამოცემა-1950, II გამოცემა-1980). თანაავტორია მონოგრაფიისა "სსრ კავშირის ევროპული ნაწილის მცენარეულობა" . ბოტანიკოსი, გეობოტანიკოსი, გეობოტანიკური მეცნიერების ერთ-ერთი ფუძემდებელი საქართველოში. მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.9-თბ., 1985.-გვ.257 

• საქართველოს გეოგრაფიული საზოგადოების პრეზიდიუმის , წევრი

• ვ. კომაროვის სახელობის პრემია (ერთობლივი გამარჯვება)
• შრომის წითელი დროშის ორდენი

• ხევის სათიბ-საძოვრების აგრობოტანიკური მიმოხილვა და გაუმჯობესების ღონისძიებანი : ყაზბეგის რაიონი. - თბილისი, მეცნიერება, 1983. - 119გვ.