ბერდი ზაუტაშვილი

დაბადების ადგილი: ქ. ყვარელი.

დაამთავრა საქართველოს პოლიტექნიკური ინსტიტუტი ინჟინერ-გეოლოგის კვალიფიკაციით 1955 წელს.

1955–1974 წლებში მუშაობდა საქართველოს პოლიტექნიკური ინსტიტუტის ჰიდროგეოლოგიისა და საინჟინრო გეოლოგიის სექტორში(1967–1974 წლებში იყო  განყოფილების გამგე). 2003 წლიდან იყო საქართველოს მეცნიერებათა აკადემიის ჰიდროგეოლოგიის და საინჟინრო გეოლოგიის ინსტიტუტის განყოფილების გამგე-მთავარი სპეციალისტი. 1962 წლიდან პარალელურად ეწევა პედაგოგიურ საქმიანობას საქართველოს პოლიტექნიკური ინსტიტუტსა და თბილისის სახელმწიფო უნივერსიტეტში. 2006 წლიდან არის საქართველოს პოლიტექნიკური ინსტიტუტის სრული პროფესორი. ძირითადად იკვლევს საქართველოს სასარგებლო წიაღისეულისა და ქიმიურ ელემენტთა ჰიდროგეოქიმიის, მინერალურ, თერმული, სამრეწველო და მტკნარი წყლების განაწილებისა და ფორმირების საკითხებს, სასმელ-სამკურნალო და ბალნეოლოგიურ ჰიდრომინერალურ რესურსებს, საქართველოს მიწისქვეშა სამრეწველო წყლებს და მათი გამოყენების პერსპექტივებს, კავკასიისა და საქართველოს ჰიდროგეოლოგიური დარაიონების პრობლემებს. მას თანაავტორებთან ერთად გამოცემული აქვს "კავკასიის ჰიდროგეოლოგიური რუკა" (თბ., 1997) და "საქართველოს სასმელ-სამკურნალო და ბალნეოლოგიური რესურსების რუკა" (თბ., 1997; ქართ., რუს. და ინგლ. ენებზე). გამოქვეყნებული აქვს მრავალი სამეცნიერო ნაშრომი, მათ შრის 3 სახელმძღვანელო. გეოლოგია-მინერალოგიის მეცნიერებათა დოქტორი (1977), პროფესორი (1988).

წყარო: საქართველო: ენციკლოპედია: ტ.III.–თბ., 2014.-გვ.318

• საქართველოს ეკოლოგიის მეცნიერებათა აკადემია , ნამდვილი წევრი (1995-)
• ჰიდროგეოლოგთა საერთაშორისო ასოციაცია, წევრი (1990-)

• ზოგადი ჰიდროგეოლოგია (ავტორი). - თბილისი, თბილ. უნ-ტის გამ-ბა, 2997. - 246გვ.