გიორგი სესიაშვილი

სწავლობდა ჟენევაში (1912), პარიზში (1913, 1914), თბილისის სამხატვრო აკადემიაში (1922-1928).

იყო ი. ნიკოლაძის მოწაფე. 1934 წლიდან თბილისის სამხატვრო აკადემიაში ეწევა პედაგოგიურ მოღვაწეობას (1965 წლიდან პროფესორი). შესრულებული აქვს ე. ციციშვილის (1941), ნ. ჯალაღონიას (1957), ე. ბუჩუკურის (1958), პორტრეტები. განსაკუთრებით გატაცებული იყო რელიეფური პლასტიკით. გამოიმუშავა თავისებური ტექნიკა-გიფსოგრაფია (რელიეფური ხაზებით გამოყვანილი ნახატი). ნამუშევრები: "ქარში" (ბარელიეფი, 1930), "მუშაობის შემდეგ" (1936), "პარტიზანი" (1944), "უხვი მოსავალი" (1956), "ბანაობის შემდეგ" (1956), "ქალიშვილი" (1960), "იყო არაბეთს როსტევან..." (1958, ყველა საქართველოს ხელოვნების მუზეუმი, თბილისი) და სხვა. მისი ნაწარმოებების ძირითადი თემაა ადამიანის იდეალურად ლამაზი სხეული, მოძრაობის პლასტიკის მრავალფეროვნება, დინამიკა, რიტმი, რაც მკაფიოდ გამოვლინდა მის რელიეფებში, მცირე ქანდაკებასა და გრაფიკის სერიებში. გრაფიკოსი.

წყარო: ქართული საბჭოთა ენციკლოპედია: ტ.9-თბ., 1985.-გვ.302

• 1961 - ხელოვნების დამსახურებული მოღვაწე
• საქართველოს დამსახურებული მხატვარი