ვალენტინა სვანელი

დაბადების ადგილი: ქ. ქუთაისი.

1923 წლიდან მონაწილეობდა ქუთაისის სცენისმოყვარეთა წარმოდგენებში. 1923-1935წწ. მოღვაწეობდა ჭიათურისა და საქართველოს სხვადასხვა თეატრში. 1935 წლიდან სიცოცხლის ბოლომდე იყო ჭიათურის სახელმწიფო თეატრის მსახიობი. გამოირჩეოდა შინაგანი სიმართლითა და დახვეწილი პროფესიონალიზმით. განასახიერა 300-მდე როლი. მან შეასრულა.: მართა, მელანო, ეკვირინე (დ. კლდიაშვილის "დარისპანის გასაჭირი", "სამანიშვილის დედინაცვალი", "ქამუშაძის გაჭირვება"), ლირსა (პ. კაკაბაძის "ყვარყვარე თუთაბერი"), კესარია (ო. იოსელიანის "სანამ ურემი გადაბრუნდება"), ქაბატო (ა. ცაგარელის "ხანუმა"), კაკალა (პ. კაკაბაძის "კოლმეურნის ქორწინება"), ბებია (ნ. დუმბაძის "მე, ბებია, ილიკო და ილარიონი") და სხვა.

წყარო: ქართული საბჭოთა ენციკლოპედია: ტ.9-თბ., 1985.-გვ.311

• 1970 - საქართველოს სახალხო არტისტი