ზაქარია

ზაქარია, გარეჯის დოდოს მონასტრის წინამძღვარი იყო 1704–1708 და 1711–1712 წლებში. XVII საუკუნის დასასრულს აღადგინა უცხოელ დამპყრობთა მიერ მოოხრებული და გაუქმებული დოდოს მონასტერი. ზრუნავდა მისი ეკონომიკური განმტკიცებისათვის. მატერიალური დახმარება და ადგილ-მამულები მიიღო ნინოწმინდელი ეპისკოპოსის იოსებისაგან(ვაჩნაძე), კახეთის სამეფო კარისაგან და სხვ. საკუთარი სახსრებით მონასტერს შეუძინა ვენახი საგარეჯოში. 

წყარო: საქართველო: ენციკლოპედია: ტ.III.–თბ., 2014.-გვ.321