დავით სულაქველიძე

დაბადების ადგილი: ქ. ზესტაფონი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1979 წელს.

1979-1980წწ. მუშაობდა საქართველოს პროკურატურის ორგანოებში გამომძიებლად; 1981 წლიდან ეწევა სამეცნიერო და პედაგოგიურ მოღვაწეობას თბილისის სახელმწიფო უნივერსიტეტში, საქართველოს მეცნიერებათა აკადემიის სახელმწიფოსა და სამართლის ინსტიტუტში და სხვა უმაღლეს სასწავლებლებში; გამოქვეყნებული აქვს სამეცნიერო შრომები; 1996 წლიდან მუშაობდა საქართველოს პარლამენტში; საკონსტიტუციო, იურიდიულ საკითხთა და კანონიერების კომიტეტის წამყვანი სპეციალისტი; 1996-1999წწ. სამართლებრივი რეფორმების სამთავრობო კომისიის სისხლის სამართლის კოდექსის შემმუშავებელი ქვეკომისიის წევრი; 1999-2002წწ. ქ. თბილისის საოლქო სასამართლოს თავმჯდომარე და სისხლის სამართლის საქმეთა სააპელაციო პალატის თავმჯდომარე; 2002-2012წწ. საქართველოს უზენაესი სასამართლოს მოსამართლე; 2010 წლიდან არის თბილისის თავისუფალი უნივერსიტეტის სისხლის სამართლის ლექტორი და სისხლის სამართლის კლინიკის ზედამხედველი ლექტორი. მონაწილეობდა საქართველოს კოდექსებისა და სხვა საკანონმდებლო აქტების მომზადებაში.

წყარო: თბილისი: ენციკლოპედია.- თბ., 2002. - გვ.786; http://freeuni.edu.ge/node/529

• ორგანიზებული დანაშაულის თანამედროვე გამოვლინებების კრიმინალიზაციისა და სამართალშეფარდების პრობლემები ქართულ სისხლის სამართალში (თანაავტორი). - თბილისი, "ფავორიტი პრინტი", 2012. - 1044გვ.
• საქართველოს სისხლის სამართლის კოდექსი : მიღებულია 1999 წლის 22 ივლისს ცვლილებებითა და დამატებებით 2004 წლის 5 ოქტომბრამდე (რედაქტორი) // ("საქართველოს საკანონმდებლო მაცნე" I. - თბილისი, სამართალი, 2004. - 284გვ.
• საქართველოს სისხლის სამართლის კოდექსი : მიღებულია 1999 წლის 22 ივლისს ცვლილებებითა და დამატებებით 2000 წლის 1 ივნისამდე (რედაქტორი). - თბილისი, სამართალი, 2000. - 272გვ.