მალაქია I (დასავლეთ საქართველოს კათოლიკოს-პატრიარქი)

დასავლეთ საქართველოს კათალიკოს-პატრიარქი 1519 წლიდან XVI საუკუნის 40-იან წლებში. რეზიდენცია ჰქონდა ბიჭვინთის საკათედრო საყდარში. იგი იმერეთის მეფის ბაგრატ III -ის (1510-1565) პოლიტიკური მომხრე იყო დასავლეთ საქართველოს ერთ სამეფოდ გაერთიანების საკითხში. ბაგრატ III-ის ბრძანებით მან 1529 წელს ქუთაისის საეპისკოპო გაყო სამად და დააარსა ხონისა და გელათის ახალი საეპისკოპოები, რომელთა მეთაურები ბიჭვინთის საყდარში აკურთხა. 1533 წელს, როცა გაგრასთან ჯიქების წინააღმდეგ ბრძოლაში ქართველები დამარცხდნენ, იგი ბრძოლის ადგილას გაემგზავრა და ტყვეები ფულით დაიხსნა.

წყარო: ქართული საბჭოთა ენციკლოპედია: ტ. 6.-თბ., 1983.-გვ.384