The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



ბაჩი ქიტიაშვილი

ბაჩი ქიტიაშვილი
დაბადების თარიღი:1 იანვარი, 1946  (72 წლის)
კატეგორია:მუსიკოსი

ბიოგრაფია

დაბადების ადგილი: ქ. თბილისი.

გიტარაზე დაკვრა დაიწყო 14 წლის ასაკში, პედაგოგ ა. ი. კრამსკოისთან, ხოლო კლასიკური და ესპანურ–ლათინური სტილის დაკვრას ეუფლებოდა ვ. ხუციშვილთან; 1962 წელს ქარხნის კლუბის სარდაფში მისი თაოსნობითა და ხელმძღვანელობით შეიკრიბა ოთხი მუსიკოსი(ბ. ქიტიაშვილი, მ. დავითაშვილი, თ. შუბითიძე, რ. პეტრიაშვილი) და შეიქმნა ჯგუფი "ვარაზი", რომლის ბაზაზეც აღმოცენდა როკ–ანსამბლი "ბერმუხა"(ბ. ქიტიაშვილი, ვ. კოვზირიძე, ნ. ღვინიანიძე, ევ. გალუსტოვი); XX საუკუნის 60–იან წლებში როკ მუსიკამ ახალი სიტყვა თქვა მსოფლიო მუსიკალურ კულტურაში და ყოფაში, ხოლო "ბერმუხამ" ახალი სიტყვა თქვა არა მხოლოდ ქართულ პოპ–მუსიკაში, არამედ საბჭოთა საქართველოს გამოკეტილი ახალგაზრდობის ცხოვრებაშიც; ეს იყო ანსამბლი რომელმაც 60–70–იანელთა თაობაში გააძლიერა პროტესტი საბჭოთა რეალობის წინააღმდეგ;  მას არა მხოლოდ მუსიკალურ მოვლენად, არამედ სოციალურ–კულტურულ ფენომენად მიიჩნევდნენ; მან "რიტმ ენდ ბლუზის" ელემენტების შესატყვისად გადაამუშავა ქართული ხალხური სიმღერები: მეგრული "ნანა", "მარებელი", "გაფრინდი შავო მერცხალო", "ჩაკრულო", "მოხევის ქალო თინაო", "არწივი ვნახე დაჭრილი", "ჯანსულო"; ანსამბლი ასრულებდა აგრეთვე თანამედროვე როკ–ვარსკვლავებისა და ჯგუფების რეპერტუარს: ჯიმი ჰენდრიქსი, "როლინგ სთოუნზი", "ქვინი", "ლედ ზეპელინგი"; 1966 წლიდან დაიწყო ანსამბლ "ბერმუხას" კონცერტები საქართველოს სხვადასხვა რეგიონში; 1990 წელს თბილისის ფილარმონიის დიდ საკონცერტო დარბაზში აღინიშნა ბაჩი ქიტიაშვილის სასცენო მოღვაწეობის 30 წლისთავი, 1997 წელს კი ანსამბლ "ბერმუხას" 30 წლისთავი; ქიტიაშვილს "ქართული როკის ლეგენდად", "ქართული როკის მამად" მოიხსენიებენ; გიტარისტი, როკ–ანსამბლ "ბერმუხას" დამაარსებელი და ხელმძღვანელი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 489


გააზიარე: