მელანია მამაცაშვილ-ბადრიძე

მოღვაწეობდა XIX საუკუნის 50-იან წლებში. ცხოვრობდა სოფელ რუისში (ახლანდელი ქარელის რაიონი), შემდეგ - გორსა და თბილისში. მიიღო შინაური განათლება, შეისწავლა რუსული ენა. მისი დაუმთავრებელი მოთხრობები "კატო და ანას" რუსული თარგმანი დაიბეჭდა ალმანახ "ზურნაში"(1855). მოთხრობა ასახავს იმდროინდელი საზოგადოების ყოფას, მნიშვნელოვანია წერის რეალისტური მანერით. გაზეთ "კავკაზის" რედაქტორმა ე. ვერდერევსკიმ მას მიუძღვნა წერილი (1854, N 59), რომელსაც ერთვის მწერლის ავტობიოგრაფიის ფრაგმენტები.

წყარო: ქართული საბჭოთა ენციკლოპედია: ტ. 6.-თბ., 1983.-გვ.395; საქართველო: ენციკლოპედია: ტ.5. -თბ.,2023. -გვ.490