იუზა ქუთათელაძე

დაბადების ადგილი: ქ. ქუთაისი.

დაამთავრა ქ. ქუთაისის მუსიკალური სასწავლებელი 1958 წელს, ვ. სარაჯიშვილის სახელობის თბილისის სახელმწიფო კონსერვატორია 1963 წელს(ვოკალური).

1960–1965წწ. იყო საქართველოს სახელმწიფო კაპელის მომღერალი; 1965–1969წწ. ზ. ფალიაშვილის სახელობის თბილისის ოპერისა და ბალეტის თეატრიის სოლისტი(ბანი); 1970 წლიდან ქ. ქუთაისის ოპერის თეატრის სოლისტი; თბილისისა და ქუთაისის ოპერის სცენებზე ქართული რეპერტუარი: აბიო(ზ. ფალიაშვილი "აბესალომ და ეთერი", 1969, ქუთაისის საოპერო თეატრის გახსნა), ცანგალა(ზ. ფალიაშვილი "დაისი"), მაკარი(ვ. დოლიძე "ქეთო და კოტე"), შიკრიკი(ო. თაქთაქიშვილი "მინდია"); სხვა რეპერტუარი: კომანდორი(მოცარტი "დონ ჟუანი"), მონტერონე, ბოშა, ეგვიპტის მეფე, ფერნანდო(ვერდი "რიგოლეტო", "ტრუბადური", "აიდა"), მეციხოვნე, მღვდელი, ბონზაი(პუჩინი "ტოსკა", "ჩიო–ჩიო–სანი"), ვარლაამი, მიტიუხა(მუსორგსკი "ბორის გოდუნოვი"), ზარეცკი(ჩაიკოვსკი "ევგენი ონეგინი"), მოხუცი, გაიდამაკი(პროკოფიევი "სიმიონ კოტკო").

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 495