მამია III გურიელი

გურიის მთავარი 1689-1711 წლებში, გიორგი III გურიელის ძე. დოკუმენტებში იხსენიება როგორც "დიდი" ან "დიდი შავი გურიელი". ოსმალეთთან მოქნილი დიპლომატიური პოლიტიკის მეშვეობით აფართოებდა სამთავროს ტერიტორიას. იმერეთის მეფისგან იყიდა საჭილაო - სამიქელაძეოს ტერიტორია. 1701- 1702 წლებში იმერეთისა და ოდიშის მსხვილ ფეოდალთა მხარდაჭერით მეფობდა იმერეთში. მამია III გურიელი იძულებული გახდა დამორჩილებოდა 1703 წელს დასავლეთ საქართველოში შემოჭრილ ოსმალთა ლაშქარს, რის შედეგად გურიის სამთავრომ ბათუმის მხარე დაკარგა. 1711 წელს კვლავ გამეფდა იმერეთში და იმავე წელს გარდაიცვალა.

წყარო: ქართული საბჭოთა ენციკლოპედია: ტ. 6.-თბ., 1983.-გვ.396