მამია IV გურიელი

გურიის მთავარი 1726-1756, 1758-1765, 1771-1776 წლებში, გიორგი IV გურიელის ძე. მიუხედავად ოსმალთა მოძალებისა, მამია IV გურიელმა აკრძალა ტყვეთა ყიდვა-გაყიდვა და 1748 სამხედრო დახმარება სთხოვა ერეკლე II-ს. 1756 წელს იგი სოლომონ I-მა გადააყენა და მთავრად მისი ძმა გიორგი დასვა. მამია ერეკლეს ეახლა, მისი შუამდგომლობითა და ახალციხის ფაშის დახმარებით ტახტი დაიბრუნა. მომდევნო ხანაში მამია IV გურიელი ოსმალეთის წინააღმდეგ მებრძოლი სოლომონ I-ის მხარეზე გამოდიოდა. მონაწილეობდა 1759 საეკლესიო კრებაში, 1757 წელს კი ხრესილის ბრძოლაში. 1765 წელს ოსმალებმა გადააყენეს და მთავრად გიორგი V გურიელი დასვეს. 1771 წელს სოლომონ I -მა ისევ გაამთავრა. 1776 წელს ტახტიდან გადააყენა გიორგი V გურიელმა.

წყარო: ქართული საბჭოთა ენციკლოპედია: ტ. 6.-თბ., 1983.-გვ396