გიორგი ქურხული

დაბადების ადგილი: ქ. თბილისი.

1910–1914წწ. სწავლობდა თბილისის მუსიკალურ სასწავლებელში.

1914 წლიდან იყო თბილისის ოპერისა და ბალეტის თეატრის სოლისტი; 1933–1936წწ. აქვე, რეჟისორი, 1953–1958წწ. სარეჟისორო სამმართველოს უფროსი; ქართული რეპერტუარი: აბიო, ცანგალა(ზ. ფალიაშვილი "აბესალომ და ეთერი", "დაისი"), სიკო(ვ. დოლიძე "ქეთო და კოტე"), კარისკაცი(დ. არაყიშვილი "თქმულება შოთა რუსთაველზე"); სხვა რეპერტუარი: მონტანო, ჟერმონი(ვერდი "ოტელო", "ტრავიატა"), დანკაირო(ბიზე "კარმენი"), სილვიო(ლეონკავალო "ჯამბაზები"), კირდიაგა(ლისენკო "ტარას ბულბა"); დადგმები: ჰალევი "რახილი"(1942), მეიერბერი "ჰუგენოტები"(1943), რუბინშტეინი "დემონი"(1949, ა. წუწუნავასთან ერთად); საოპერო მომღერალი, ბარიტონი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 498

• 1941 - საქართველოს დამსახურებული არტისტი