თენგიზ ჭკუასელი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი რკინიგზის სამიმოსვლო გზათა ინჟინერ-მშენებლის კვალიფიკაციით 1965 წელს.

1969 წელს მუშაობა დაიწყო საპროექტო-საძიებო ინსტიტუტში - "საქრკინიგზაპროექტში", სადაც განვლო გზა ტექნიკოსიდან დირექტორამდე (1990 წლიდან); მისი ხელმძღვანელობითა და თანაავტორობით შემუშავებული და განხორციელებული არაერთი ობიექტი აღინიშნა საბჭოთა კავშირის და საქართველოს მინისტრთა საბჭოს სახელმწიფო პრემიებით; მისი ავტორობით გამოცემულია სამეცნიერო კვლევითი შრომები და სახელმძღვანელოები სარკინიგზო მშენებლობის განვითარების მნიშვნელოვან საკითხებზე; ინჟინერ-მშენებელი.

წყარო: თბილისი: ენციკლოპედია.- თბ., 2002. - გვ.818; საქართველოს არქიტექტორთა და მშენებელთა ენციკლოპედია. - თბ., 2017.-გვ.703-704