შოთა ორჯონიკიძე

დაბადების ადგილი: სოფელი ღორეშა, ხარაგაულის რაიონი.

დაამთავრა საქართველოს პოლიტექნიკური ინსტიტუტი 1952 წელს; მოსკოვის კვალიფიკაციის ამაღლების ინსტიტუტი წარმოების ავტომატიზებული მართვის სპეციალობით 1957 წელს.

1975-1981წწ. იყო "საქბაგირგზის" (შემდგომში "საქმთავარბაგირგზის") უფროსი; 1981-1989წწ. - სპეციალური ტრანსპორტისა და მისი ავტომატიზაციის სისტემების სახელმწიფო კომიტეტის "საქსახსპეცტრანსის" თავმჯდომარე; 1989 წლიდან საქართველოს სამეცნიერ-ტექნიკური კომპლექსის "საქსპეცტრანსის" და "ტრანსავტომატიკის" (1980 წლიდან) გენერალური დირექტორი და გენერალური კონსტრუქტორი; საქართველოს პრეზიდენტის პირადი წარმომადგენელი საზღვარგარეთ; მისი შრომები ეხება ეკოლოგიურად სუფთა სპეციალური ტრანსპორტისა და მისი მართვის ავტომატიზებული სისტემების კვლევის, დამუშავებისა და დანერგვის საკითხებს; მიღებული აქვს სახელმწიფო ჯილდოები; მეცნიერი სპეციალური ტრანსპორტის დარგში; ტექნიკურ მეცნიერებათა კანდიდატი (1966), პროფესორი (1977).

წყარო: თბილისი: ენციკლოპედია.- თბ., 2002. - გვ.818; საქართველოს არქიტექტორთა და მშენებელთა ენციკლოპედია. -თბ., 2017.-გვ.472; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.361

• საქართველოს საინჟინრო აკადემია, წევრი (1996-)

• 1996 - ღირსების ორდენი
  საქართველოს სპეციალური ტრანსპორტისა და მისი ავტომატიზებული მართვის სისტემის დარგის ჩამოყალიბებასა და განვითარებაში შეტანილი განსაკუთრებული პირადი წვლილისათვის, ნაყოფიერი სამეცნიერო და საზოგადოებრივი მოღვაწეობისათვის
• საქართველოს დამსახურებული ინჟინერი

• წარმოების ავტომატიზაციის ტექნიკურ-ეკონომიური ეფექტურობა საქართველოს სამთო-მეტალურგიულ მრეწველობაში (ავტორი). - თბილისი, 1969. - 31გვ.