იოსებ ალავერდელი

საქართველოში მოღვაწე ერთ-ერთი ასურელი მამა, მოვიდა ქ. ამტიოქიიდან VI საუკუნის შუა წლებში იოანე ზედაზნელთან ერთად. ცხოვრობდა ზედაზნის მონასტერში, შემდეგ მდინარე ალაზნის მარჯვენა ნაპირას დააარსა ალავერდის მონასტერი(აუგია წმ. გიორგის სახელობის ეკლესია). მისმა მოღვაწეობამ ხელი შეუწყო კახეთის ამ მხარეში ქრისტიანობის განმტკიცებას. იოსებ ალავერდელი იხსენიება ასურელი მამების - დავით გარეჯელის, შიო მღვიმელის "ცხოვრებათა" მეტაფრასულ რედაქციებში (XII საუკუნე). XVIII საუკუნეში შეუდგენიათ იოსებ ალავერდელის   სვინაქსარული "ცხოვრება". წმინდანი.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 202