ბორის აკუნინი

დაბადების ადგილი: ქ. ზესტაფონი.

1958 წელს ჩხარტიშვილების ოჯახი საცხოვრებლად მოსკოვში (რუსეთი) გადავიდა. დაამთავრა მოსკოვის 36-ე ინგლისური სკოლა 1973 წელს. სკოლის დამთავრების შემდეგ სწავლა გააგრძელა მოსკოვის სახელმწიფო უნივერსიტეტის აზია-აფრიკის ქვეყნების ინსტიტუტის ისტორია-ფილოლოგიის ფაკულტეტზე. აქვს ისტორიკოს-იაპონიისმცოდნის დიპლომი; თარგმნის მხატვრულ ლიტერატურას ინგილისური და იაპონური ენებიდან რუსულზე; მისი თარგმანით გამოცემულია შემდეგი ავტორების ნაწარმოებები: იუკიო მისიმა, კენძი მარუიამა, მასაჰიკო სიმადა, კობო აბე, ცინიიტი ჰოსი, ტაკეში კაიკო. 1999-2000წწ. მუშაობდა ჟურნალ «Иностранная литература»–ს მთავარი რედაქტორის მოადგილედ; მისი მთავარი რედაქტორობით გამოიცა 20 ტომეული "იაპონური ლიტერატურის ანთოლოგია"; 1998 წლიდან ჩხარტიშვილი ლიტერატურულ შემოქმედებას ეწევა ფსევდონიმით ბორის აკუნინი. იაპონურ სიტყვას აკუნინი (იაპ. 悪人) ქართულში ზუსტი შესატყვისი არ მოეძებნება. დაახლოებით ითარგმნება, როგორც "ავკაცი", "ბოროტი ადამიანი", "ადამიანი რომელიც კანონს არ იცავს". კრიტიკულ და დოკუმენტურ შრომებს აქვეყნებს ნამდვილი სახელითა და გვარით. პოპულარობა მწერალს მოუტანა ისტორიულ–დეტექტიური რომანების სერიამ ერასტ ფანდორინზე.

წყარო: netgazeti.ge

• 2009 - იაპონიის მთავრობის სახელმწიფო პრემია
  რუსეთისა და იაპონიის კულტურულ ურთიერთობებში შეტანილი წვლილისთვის
• 2009 - ამომავალი მზის მეოთხე ხარისხის ორდენის კავალერი

• მწერალი და თვითმკვლელობა (ავტორი). - თბილისი, ინტელექტი, 2014. - 594გვ.. - ISBN: 978-9941-454-38-7
• საგანგებო დავალებანი: ყვავის ვალეტი (ავტორი). - თბილისი, ლაბირინთი, 2013. - 180გვ.. - ISBN: 978-9941-9299-7-7
• სასაფლაოს ამბები (ავტორი). - თბილისი, ინტელექტი, 2013. - 256გვ.. - ISBN: 978-9941-446-25-2
• ლევიათანი : ჰერმეტული დეტექტივი (ავტორი). - თბილისი, კვირის პალიტრა, 2006. - 224გვ.. - ISBN: 99940-53-21-3
• თურქული გამბიტი : ჯაშუშური დეტექტივი (ავტორი). - თბილისი, კვირის პალიტრა, 2006. - 216გვ.. - ISBN: 99940-42-07-6
• აზაზელი : კონსპიროლოგიური დეტექტივი (ავტორი). - თბილისი, არეტე, 2004. - 286გვ.. - ISBN: 99940-745-8-X