მარიამ სიხარულიძე

დაბადების ადგილი: გოგოლეისუბანი, ჩოხატაურის რაიონი.

დაამთავრა თბილისის სახელმწიფო უნივერსიტეტის აგრონომიული ფაკულტეტი 1929 წელს. 

მისი გამოკვლევები ეხება საქართველოს მინდვრის კულტურათა ბოტანიკური შედგენილობის, მათი სელექციური ღირსებისა და სელექციის მეთოდიკის საკითხებს. შექმნა პერსპექტიული სასელექციო მასალა ინტენსიური ტიპის ხორბლის ახალი ჯიშების გამოსაყვანად. თანაავტორია ლობიოს დარაიონებისა და ახალი ჯიშების გამოყვანისა. ეკუთვნის სახელმძღვანელო "მინდვრის კულტურათა სელექცია და მეთესლეობა". აგრონომი, სელექციონერ-მემცენარე, სოფლის მეურნეობის მეცნიერების დოქტორი (1968), პროფესორი (1969). მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.9-თბ., 1985.-გვ.414

• სკკპ, წევრი (1953-)

• 1980 - საქართველოს მეცნიერებათა დამსახურებული მოღვაწე
• შრომის წითელი დროშის ორდენი

• მინდვრის კულტურათა სელექცია და მეთესლეობა : სახელმძღვ. სას.-სამ. ინ-ტის სტუდენტებისათვის (ავტორი). - თბილისი, განათლება, 1975. - 466გვ.
• მინდვრის კულტურათა სელექცია და მეთესლეობა : სას.-სამ. ინ-ტის სტუდენტებისათვის (ავტორი). - თბილისი, ცოდნა, 1964. - 241გვ.
• მინდვრის კულტურათა სელექცია და მეთესლეობა : სას.-სამ. ტექნიკუმებისათვის (ავტორი). - თბილისი, ცოდნა, 1961. - 338გვ.