გივი ყიფიანი

დაბადების ადგილი: სოფელი ბობოყვათი, ქობულეთი.

დაამთავრა ქ. ბათუმის ვაჟთა გიმნაზია 1925 წელს, თბილისის სახელმწიფო კონსერვატორია 1935 წელს(ვოკალური).

1928–1930წწ. იყო თბილისის ოპერისა და ბალეტის თეატრის გუნდის მომღერალი, 1935–1938, 1942–1948, 1951–1959წწ. აქვე, წამყვანი სოლისტი(ბარიტონი); 1938–1940წწ. ქ. ლენინგრადის ოპერის სოლისტი, 1940–1942წწ. ქ. მოსკოვის დიდი თეატრის, 1948–1951წწ. ქ. ტაშკენტის ოპერის სოლისტი; ქართული რეპერტუარი: მურმანი, კიაზო(ზ. ფალიაშვილი "აბესალომ და ეთერი", "დაისი"), მაკარი(ვ. დოლიძე "ქეთო და კოტე"); სხვა რეპერტუარი: ამონასრო(ვერდი "აიდა"), მეფისტოფელი(გუნო "ფაუსტი"), სკარპია(პუჩინი "ტოსკა"), ტონიო(ლეონკავალო "ჯამბაზები"), ესკამილიო(ბიზე "კარმენი"), დემონი(რუბინშტეინი "დემონი"), იგორი(ბოროდინი "თავადი იგორი"), სულეიმანი(იპოლიტოვ–ივანოვი "ღალატი"), ეშმაკი, ტომსკი(ჩაიკოვსკი "ქოშები", "პიკის ქალი"), ტროეკუროვი(ნაპრავნიკი "დუბროვსკი"), ივანე მრისხანე(რიმსკი–კორსაკოვი "მეფის საცოლე").

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 507

• 1957 - საქართველოს დამსახურებული არტისტი