ლევან საყვარელიძე

დაიბადების ადგილი: ქ. ზესტაფონი.

დაამთავრა თბილისის სახელმწიფო სამედიცინო ინსტიტუტი 1946 წელს.

1947-1949წწ. იყო საქართველოს სამოქალაქო საჰაერო ფლოტის სამმართველოს მთავარი ექიმი; 1949-1954წწ. უფროსი სახელმწიფო სანიტარული ინსპექტორი; 1954-1959წწ. საქართველოს ჯანდაცვის სამინისტროს სანიტარულ-ეპიდემიოლოგიური სამმართველოს უფროსი; ვაქცინაციისა და შრატების სამეცნიერო-კვლევითი ინსტიტუტის ეპიდგანყოფილების გამგე; 1959 წლიდან სსრკ ჯანდაცვის სამინისტროს სახელმწიფო სანიტარული ინსპექციის უფროსის მოადგილე; 1962-1971წწ. საქართველოს ჯანდაცვის მინისტრი; 1971-1973წწ. სანიტარიისა და ჰიგიენის სამეცნიერო-კვლევითი ინსტიტუტის დირექტორის მოადგილე სამეცნიერო დარგში; 1972-1976წწ. ალჟირის რესპუბლიკის ჯანდაცვის ნაციონალური ინსტიტუტის მრჩეველი; 1977-1988წწ. შავი ჭირის საქართველოს სადგურის დირექტორი (ახლანდელი დაავადებათა კონტროლის ეროვნული ცენტრი, რომელიც 1972 წლიდან მისი სახელობისაა); 1977-1991წწ. იყო თბილისის სახელმწიფო სამედიცინო ინსტიტუტის ეპიდემიოლოგიის კათედრის გამგე; მრავალი სამეცნიერო შრომისა და ორი მონოგრაფიის ავტორია; ეპიდემიოლოგი, მედიცინის მეცნიერებათა დოქტორი (1965), პროფესორი (1968).

წყარო: თბილისი: ენციკლოპედია.- თბ., 2002. - გვ.820

• საქართველოს ჯანდაცვის სამინისტროს კოლეგია, წევრი (1954-)
• სსრკ მეცნიერებათა აკადემია, წევრ-კორესპონდენტი (1981-)

• შეძენილი იმუნოდეფიციტის სინდრომი : შიდსი (თანაავტორი). - თბილისი, საბჭ. საქართველო, 1988. - 30 გვ.
• ჯანმრთელობის დაცვის განვითარება საბჭოთა საქართველოში (ავტორი). - თბილისი, საბჭ. საქართველო, 1967. - 33გვ.
• პროფილაქტიკური აცრები და მათი მნიშვნელობა (ავტორი). - თბილისი, საქმედგამი, 1957. - 26 გვ.
• დიზენტერიულ კერაში ჩატარებული ღონისძიებანი ამ სნეულებით დაავადებული ავადმყოფობის ჰოსპიტალიზაციის გარეშე დატოვების შემთხვევაში (ავტორი). - თბილისი, საქმედგამი, 1956. - 8გვ.