ელენე ყორღანაშვილი

დაბადების ადგილი: ქ. თბილისი.

მუსიკალური განათლება მიიღო პეტერბურგში, პარიზსა და იტალიაში; გამოდიოდა ევროპის საოპერო სცენებზე, სადაც სხვადასხვა დროს მისი პარტნიორები იყვნენ: მ. ბატისტინი, ა. მაზინი, ი. და ე. რესკე; 1880–იან წლებში და 1899 წლიდან გამოდიოდა პეტერბურგის, მოსკოვის, კიევის, ხარკოვის, ვორონეჟის, თბილისის სცენებზე; მისი საუკეთესო საოპერო პარტიებია: კარმენი, ამნერისი, სანტუცა, ვიოლეტა; პრესა აღნიშნავდა მის ვოკალურ და სასცენო ოსტატობას, ვოკალური ხმის იშვიათ დიაპაზონსა და საშემსრულებლო კულტურას; გამოდიოდა აგრეთვე კამერული რეპერტუარით; 1917 წლიდან ცხოვრობდა და მოღვაწეობდა პარიზში, ასწავლიდა პარიზის ს. რახმანინოვის სახელობის კონსერვატორიაში; მოწაფეები: ქ. დერჟინსკაია, ე. კატულსკაია, ა. მატოვა, ო. პიჟოვა; მუსიკოსები იყვნენ მისი ძმები – კომპოზიტორი გ. ო. ყორღანოვი, მომღერლები – კონსტანტინე, ოვანეს, დები – მომღერლები მეცო–სოპრანო, პედაგოგი ნუნე(ნინა დარიალი) და მ. ყორღანოვა(მარია სვეტადე); მისი პარტნიორები: მ. ბატისტინი, ა. მაზინი, ია. და ე. რეშკე, ვ. სტრახოვა, ე. დეკანოვა, ს. ვოლგინი, ვ. ლემინსკაია; სომეხი საოპერო მომღერალი, ლირიკო–დრამატული სოპრანო, მეცო–სოპრანო.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 508