ზებედე I (აღმოსავლეთ საქართველოს კათოლიკოს-პატრიარქი)

ზებედე I იყო აღმოსავლეთ საქართველოს კათოლიკოს-პატრიარქი 1552–1556 წლებში. 1552 წელს, თბილისიდან სპარსელ დამპყრობთა განდევნის შემდეგ (1548 წელს შაჰმა თამაზ I-მა თბილისი დაიკავა), ზებედე I-მა "აიაზმით განწმინდა" და ხელახლა აკურთხა სიონის ღვთისმშობლის საეპისკოპოსო ტაძარი, აგრეთვე ქალაქის ყველა დანარჩენი ეკლესია, რომელიც მტერმა შებილწა და გააუქმა. ხელი მოაწერა ლუარსაბ I-ის 1552 წლის სიგელს სიონის ეკლესიაში მღვდელმსახურების აღდგენისა და მამულების შეწირვის შესახებ.

წყარო: საქართველო: ენციკლოპედია: ტ.III.–თბ., 2014.-გვ.328