ავთანდილ ზედგინიძე

დაბადების ადგილი: სოფელი კოთელია, ახლანდელი ახალქალაქის მუნიციპალიტეტი.

დაამთავრა საქართველოს სასოფლო-სამეურნეო ინსტიტუტის სატყეო-სამეურნეო ფაკულტეტი 1967 წელს.

1974–1982 წლებში მუშაობდა თბილისის სახელმწიფო უნივერსიტეტში საინჟინრო-ეკონომიკის, ხოლო შემდეგ სახალხო მეურნეობის დაგეგმვის ფაკულტეტებზე. 1982 წლიდან იყო საქართველოს სასოფლო-სამეურნეო ინსტიტუტის (საქართველოს სახელმწიფო აგრარული უნივერსიტეტი) სატყეო ეკონომიკის, ორგანიზაციისა და ტაქსაცია-ტყეთმოწყობის კათედრის თანამშრომელი, პროფესორი (1993 წლიდან), 2006 წლიდან კი ამავე უნივერსიტეტის სატყეო დეპარტამენტის პროფესორი. მისი კვლევის ძირითადი სფეროა სატყეო და სოფლის მეურნეობის დარგების ინტეგრაციის განვითარების ძირითადი მიმართულებები საბაზრო ეკონომიკის პირობებში. არის მრავალი სამეცნიერო შრომის, მონოგრაფიისა და სახელმძღვანელოს ავტორი. ეკონომიკის მეცნიერებათაქ დოქტორი (1990), პროფესორი (1993).

წყარო: საქართველო: ენციკლოპედია: ტ.III.–თბ., 2014.-გვ.336

• აგროსამრეწველო კომპლექსში სატყეო მეურნეობის წარმოების გაძღოლის საფუძვლები (ავტორი). - თბილისი, საბჭ.საქართველო, 1988. - 202გვ.