უჩა ზვიადაძე

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის სამთო-გეოლოგიის ფაკულტეტი 1960 წელს.

1960–1968 წლებში მუშაობდა საქართველოს გეოლოგიური სამმართველოს თეთრიწყაროს, ბოლნისის, გურჯაანის, წითელწყაროს (ახლანდელი დედოფლისწყარო) საველე გეოლოგიურ პარტიებში. 1968 წლიდან მუშაობს საქართველოს პოლიტექნიკური ინსტიტუტის ჰიდროგეოლოგიური და საინჟინრო გეოლოგიის კათედრაზე (სრული პროფესორი). უჩა ზვიადაძე პედაგოგიურ მოღვაწეობასთან ერთად ეწევა სამეცნიერო საქმიანობას ჰიდროგეოლოგიის სხვადასხვა მიმართულებით. შეისწავლა საქართველოს მინერალური და თერმული წყლები, მრავალრიცხოვანი ანალიტიკური და ექსპერიმენტული განზოგადების შედეგად გამოიკვლია საკითხები საქართველოს მიწისქვეშა წყლებში მიკროკომპონენტების, კადმიუმის, სტრონციუმის, კობალტის, ტყვიის, ნიკელის და სხვა ელემენტების მიგრაციისა და დაგროვების თავისებურებათა შესახებ, დასახლებული პუნქტების სასმელი და სამეურნეო წყალმომარაგების შესახებ და სხვ. გეოლოგიის მეცნიერებათა დოქტორი (1993), პროფესორი (1995).

წყარო: საქართველო: ენციკლოპედია: ტ.III.–თბ., 2014.-გვ.368; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.147

• საქართველოს ჰიდროსფერო და მისი რესურსები (რედაქტორი). - თბილისი, მერიდიანი, 2014. - 64გვ.