მიხეილ ზვიადაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1958 წელს.

1962–1966 წლებში მუშაობდა საქართველოს მეცნიერებათა აკადემიის კიბერნეტიკის ინსტიტუტში, 1966–1973 წლებში ნახევარგამტარული ხელსაწყოების სამეცნიერო-კვლევით ინსტიტუტში, 1973–1986 და 1998–2009 წლებში ე. ანდრონიკაშვილის სახელობის ფიზიკის ინსტიტუტში. 1986–1998 წლებში იყო საქართველოს პოლიტექნიკური ინსტიტუტის ზოგადი და თეორიული ფიზიკის კათედრის გამგე. 2009 წლიდან მუშაობდა საქართველოს ტექნიკურ უნივერსიტეტში. კვლევის ძირითადი სფეროა: მაგნნიტური რეზონანსის თეორია, არაწონასწორული პროცესების თეორია, ელექტროენერგიის გამომმუშავებელი ძრავების თეორია. ფიზიკა-მათემატიკის მეცნიერებათა დოქტორი (1985), პროფესორი (1991).

წყარო: საქართველო: ენციკლოპედია: ტ.III.–თბ., 2014.-გვ.367

• რელატივისტური კლასიკური ფიზიკის საფუძვლები სასკოლო კურსში : სახელმძღვ. (რედაქტორი). - თბილისი, ინტელექტი, 2003. - 170გვ.