ვახტანგ ზესაშვილი

დაბადების ადგილი: ქ. სენაკი.

დაამთავრა საქართველოს პოლიტექნიკური ინსტიტუტი ინჟინერ-გეოლოგის სპეციალობით 1948 წელს.

1947 წლიდან მუშაობდა ა. ჯანელიძის სახელობის გეოლოგიის ინსტიტუტში, იყო წამყვანი მეცნიერი თანამშრომელი და განყოფილების გამგე. მისი ხელმძღვანელობის პერიოდში გამოიცა განყოფილების თანამშრომელთა სამეცნიერო სტატიების 4 კრებული, შედგა "კავკასიის იურული ნალექების უნიფიცირებული სტრატიგრაფიული სქემები" (1972–1984), გამოქვეყნდა ინსტიტუტის მონოგრაფიული პალეონტოლოგიური მუზეუმის 2 კატალოგი (1961, 1984). ვახტანგ ზესაშვილმა შეადგინა მუზეუმის 2 მეგზური რუსულ (1963, 1989) და ინგლისურ (1984) ენებზე, ჩაატარა საკავშირო სამეცნიეო თათბირები: ნამარხი მარჯნების (თბილისი, 1978), კავკასიის ცარცული ნალექების სტრატიგრაფიის (წყალტუბო, 1979), კავკასიის იურული ნალექების სტრატიგრაფიის (კრასნოდარი, 1979), მიკროპალეონტოლოგიის(თბილისი, 1984) საკითხებზე, განსაზღვრა ადრე და შუაიურული ფაუნის 130-მდე კოლექცია. ვახტანგ ზესაშვილი იყო ქართული ენციკლოპედიის მეცნიერ-კონსულტანტი (1998–2000). კავკასიის იურული ნალექების სტრატიგრაფიისა და პალეონტოლოგიის მკვლევარი.

წყარო: საქართველო: ენციკლოპედია: ტ.III.–თბ., 2014.-გვ.357

• კავკასიის სტრატიგრაფიული კომიტეტის იურული სექცია, თავმჯდომარე (1975-1983)
• საქართველოს გეოლოგიური საზოგადოება, ვიცე-პრეზიდენტი (1964-1985)
• სსრკ სტრატიგრაფიული კომიტეტის იურული კომისია , წევრი (1960-1991)

• 1985 - საქართველოს დამსახურებული გეოლოგი