ვიქტორ ზვიადაური

დაბადების ადგილი: სოფელი ხაიშო, თიანეთის რაიონი.

დაამთავრა საქართველოს პოლიტექნიკური ინსტიტუტის მანქანათმშენებლობის ფაკულტეტი 1968 წელს.

1968–1974  წლებში მუშაობდა სხვადასხვა პასუხსაგებ თანამდებობაზე. 1974 წლიდან მუშაობდა მანქანათა მექანიკის ინსტიტუტში. 2006 წლიდან ხელმძღვანელობს ამავე ინსტიტუტის მანქანათა დინამიკის განყოფილებას. 1992 წლიდან ეწევა პედაგოგიურ საქმიანობას საქართველოს ტექნიკური უნივერსიტეტის სამთო ფაკულტეტზე. 1992–2004 წლებში იყო საქართველოს ეროვნული სოციალურ-ტექნოლოგიური უნივერსიტეტის რექტორი. ვიქტორ ზვიადაურის კვლევის სფეროა: ვიბროტექნიკა, მანქანათა დინამიკა, გამოყენებითი მათემატიკა და მექანიკა, წრფივი და არაწრფივი რხევების თეორია, ტრიბოლოგია. გამოქვეყნებული აქვს 6 მონოგრაფია. არის 4 გამოგონების ავტორი. ტექნიკურ მეცნიერებათა დოქტორი (1991), პროფესორი (1996), ინჟინერ-მექანიკოსი.

წყარო: საქართველო: ენციკლოპედია: ტ.III.–თბ., 2014.-გვ.367

• საერთაშორისო ტრიბოლოგიური(ხახუნისა და ცვეთის შემსწავლელი მეცნიერების) საბჭო , წევრი
• საქართველოს ტრიბოლოგიური(ხახუნისა და ცვეთის შემსწავლელი მეცნიერების) საზოგადოება , ვიცე–პრეზიდენტი
• საქართველოს საინჟინრო აკადემია, აკადემიკოსი, ნამდვილი წევრი (2002-)

• სამთო საწარმოთა ტრანსპორტის სპეციალური სახეობები : ვიბრაციული მანქანები და მოწყობილობები (ავტორი). - თბილისი, 2013. - 125გვ.
• რიცხვითი მეთოდების ელემენტები : ამოცანების ამოხსნა და ოპტიმიზაცია კომპიუტერის გამოყენებით : დამხმ. სახელმძღვ. (ავტორი). - თბილისი, 2004. - 136გვ.
• მეთოდური მითითებები სამთო ელექტრომექანიკური სისტემების დინამიკის ლაბორატორიული სამუშაოების შესასრულებლად (შემდგენელი). - თბილისი, 1998. - 36გვ.
• სამთო ელექტრომექანიკური სისტემების დინამიკა : დამხმ. სახელმძღვ. (ავტორი). - თბილისი, 1998. - 113გვ.