მაქსიმე შარაძე

დაბადების ადგილი: სოფელი ეწერი, თერჯოლის რაიონი

1882 წელს დააარსა "მართლმადიდებელი ძმების წიგნის საკითხავი კაბინეტი", რომლის მიზანი იყო საქართველოში განათლების გავრცელება და საეკლესიო გალობის შესწავლა; შედეგად "კაბინეტი" ქართული გალობის გადარჩენის ცენტრად გარდაიქმნა; ეწეოდა ქართული საგალობლების შეგროვება–ჩაწერას; 1886–1900წწ. იყო გაზეთ "ივერია"–ს ექსპედიტორი, ხაზინადარი, ი. ჭავჭავაძის მოურავი; 1890 წელს დააარსა სტამბა "მაქსიმე შარაძე და ამხანაგობა", სადაც 1891–1900წწ. იბეჭდებოდა გაზეთი "ივერია", "ცნობის ფურცელი", "საქართველოს კალენდარი"; 1891 წელს შარაძემ (ი. ჭავჭავაძისა და ალ. ხახანაშვილის დახმარებით) მოსკოვიდან ჩამოატანინა ნოტების ასაწყობი შრიფტი, ეს იყო ნოტების ასაწყობი შრიფტის პირველი შემოსვლა საქართველოში(1895); მან გამოსცა ფ. ქორიძის მიერ ჩაწერილი ქართული გალობის ნიმუშები; 1895 წელს სტამბამ გამოსცა საგალობელთა 5 კრებული; მუსიკალურ–საზოგადო მოღვაწე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 516