ნიკოლოზ აგლაძე

დაბადების ადგილი: სოფელი მუხლი, ამბროლაურის რაიონი.

სწავლობდა თბილისში იტალიელი ოსტატის ანდრეოლეტის სახელოსნოში.

მუშაობდა უფროს ძმებთან ერთად. შეისწავლა ქართული ხუროთმოძღვრული ძეგლების ნიმუშები, დაეუფლა ქვის მხატვრულად დამუშავების ძნელ პროფესიას. მონაწილეობდა კულტურის ძეგლებისა და თანამედროვე არქიტექტურულ ნაგებობათა შეკეთება-აღდგენასა და მშენებლობაში. მხატვრულად გააფორმა ქაშვეთის ტაძრის, თბილისის სათავადაზნაურო-საადგილმამულო ბანკის (ახლანდელი საქართველოს ეროვნული ბიბლიოთეკა), საქართველოს მთავრობის სახლის, ყოფილი მარქსიზმ-ლენინიზმის ინსტიტუტის საქართველოს ფილიალის, ძველი კინოსტუდიის, რკინიგზის სამმართველოს შენობები, მცხეთის სვეტიცხოვლის ტაძარი (სახურავი და კარნიზები), ვარციხის შამპანურის ქარხნის შენობა და სხვა. მუშობდა ირანში (1917). ქვის მხატვრულად დამუშავების ქართველი ოსტატი.  

წყარო: საქართველო:ენციკლოპედია:ტ.I.-თბ.,1997.-გვ.44