რევაზ მახარობლიძე

დაამთავრა საქართველოს სუბტროპიკული მეურნეობის ინსტიტუტი 1959 წელს.

1967-1974წწ. იყო საქართველოს სუბტროპიკული მეურნეობის ინსტიტუტის კათედრის გამგე; 1974-1976წწ. - სამთო მიწათმოქმედებისა და სუბტროპიკული კულტურების სამეცნიერო-კვლევითი საკონსტრუქტორო-ტექნოლოგიების ინსტიტუტის განყოფილების გამგე; 1982 წლიდან - საქართველოს სასოფლო-სამეურნეო ინსტიტუტის (ახლანდელი საქართველოს აგრარული უნივერსიტეტი) მანქანების ექსპლუატაციის კათედრის გამგე; 1976 წლიდან მუშაობს კ. ამირაჯიბის სახელობის სოფლის მეურნეობის მექანიზაციისა და ელექტრიფიკაციის სამეცნიერო-კვლევით ინსტიტუტში (1976-1982წწ. იყო განყოფილების გამგე); 1999 წლიდან ინსტიტუტის დირექტორი. დაწერილი აქვს სამეცნიერო შრომები (71 გამოგონება), ძირითადად ეხება სასოფლო-სამეურნეო მანქანების დინამიკას, პარამეტრების ოპტიმიზაციასა და საიმედოობის ამაღლებას. გამოქვეყნებული აქვს 400 -ზე მეტი სამეცნიერო ნაშრომი. ტექნიკურ მეცნიერებათა დოქტორი (1981), პროფესორი (1982). 

წყარო: თბილისი: ენციკლოპედია.- თბ., 2002. - გვ.838; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.67; საქართველოს სოფლის მეურნეობის მეცნიერებათა აკადემიის ვებგვერდი: gaas.dsl.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.50

• სოფლის მეურნეობის მეცნიერებათა აკადემია, ნამდვილი წევრი, აკადემიკოსი (1992-)

• 2006 - საუკეთესო მეცნიერის ვერცხლის მედალი
• 1999 - ღირსების ორდენი
  აგროსამრეწველო კომპლექსის საინჟინრო - ტექნოლოგიური დარგისთვის მექანიზატორთა მაღალკვალიფიციური კადრების მომზადებაში შეტანილი პირადი დიდი წვლილისათვის, ნაყოფიერი სამეცნიერო და საზოგადოებრივი მოღვაწეობისათვის
• 1994 - საქართველოს სახელმწიფო პრემია, მეცნიერებისა და ტექნიკის დარგში
  1974-1992 წლებში გამოქვეყნებულ ნაშრომთა ციკლისათვის - "ტექნიკური სამეცნიერო გამოკვლევები სასოფლო-სამეურნეო მანქანების პარამეტრების ოპტიმიზაციის შესახებ
• სამკერდე ნიშანი "საბჭოთა კავშირის გამომგონებელი"

• სოფლის მეურნეობის წარმოების მექანიზაციის განვითარების თანამედროვე მსოფლიო ტენდენციები (თანაავტორი). - თბილისი, 2000. - 199გვ.
• საქართველოს აგროსამრეწველო კომპლექსის საინჟინრო სფეროს მომავალი (ავტორი). - თბილისი, 1997. - 112გვ.
• ექსპერიმენტების დაგეგმვის თანამედროვე მეთოდები სასოფლო-სამეურნეო ტექნიკის საკითხებზე : მეთოდ. სახელმძღვ. ასპირანტებისა და სტუდენტებისათვის (ავტორი). - თბილისი, 1974. - 167გვ.