მიხა ავგაროზიშვილი

დაბადების ადგილი: სოფელი გრემი, ყვარლის რაიონი.

გრემელი მიხა ავგაროზიშვილი გასული საუკუნის ოთხმოციან წლებში, როგორც ლევან ასაბაშვილი("დედას ლევანა"), ალექსი ელოშვილი("ოსტატი ალექსა") და სხვები, ისიც ხალხური სიმღერის ერთ-ერთი საუკეთესო მცოდნეთაგანი იყო; ცნობილმა მოღვაწემ ლადო აღნიაშვილმა ზემოხსენებულ და სხვა მომღერლებთან ერთად თბილისში წაიყვანა და მრავალი ხალხური სიმღერა ჩააწერინა მომღერალს და ლოტბარს იოსებ რატილს; კახელი მომღერლებისაგან ჩაწერილი სიმღერები დაედო საფუძვლად ლადო აღნიაშვილის გუნდს, რომელმაც ექვსი წლის განმავლობაში მრავალი კონცერტი მოაწყო როგორც საქართველოში, ისე მის ფარგლებს გარეთაც; 1927 წელს მწერალმა იოსებ მჭედლიშვილმა თბილისში რუსთაველის სახელობის თეატრში კახელი მომღერლების კონცერტი გამართა, სადაც მოხუცმა მიხა ავგაროზიშვილმა თავი ისახელა ხალხური სიმღერების ოსტატური შესრულებით და კომპოზიტორთა მოწონება დაიმსახურა; გულისხმიერი მოხუცი დაუზარებლად გადასცემდა ახალგაზრდებს თავის ცოდნასა და გამოცდილებას; მან მრავალი კარგი მომღერალი აღზარდა.

წყარო:qwelly.com