ივანე სურგულაძე

დაბადების ადგილი: სოფელი ჭანიეთი, ოზურგეთის რაიონი.

დაამთავრა თბილისის სახელმწიფო უნივერსიტეტის იურდიული ფაკულტეტი 1928 წელს. 

1942 წლიდან მუშაობდა თბილისის სახელმწიფო უნივერსიტეტში, 1947 წლიდან იყო სახელმწიფოსა და სამართლის ისტორიის კათედრის გამგე. იკვლევდა საქართველოს სახელმწიფოსა და სამართლის და პოლიტიკურ მოძღვრებათა ისტორიის საკითხებს. ძირითადი ნაშრომები: "საქართველოს სახელმწიფოსა და სამართლის ისტორიისათვის"(თბ., 1952), "იოანე ბაგრატიონის სჯულდება"(თბ., 1957), "ნარკვევები საქართველოს სახელმწიფოსა და სამართლის ისტორიიდან" (1 - 2 , თბ., 1963-1965), "ქართული სამართლის ძეგლები", 1. ხელმწიფის კარის გარიგება, 2. დასტურლამალი (თბ., 1970,), "საქართველოს სახელმწიფოსა და სამართლის ისტორია" (რუსულ ენაზე, 1967), გამოიცა აგრეთვე სერბულ ენაზე. (ბელგრადი, 1971) და სხვა. სამართლის ისტორიკოსი, იურდიული მეცნიერებათა დოქტორი (1946), პროფესორი (1947).

 წყარო: ქართული საბჭოთა ენციკლოპედია: ტ.9-თბ., 1985.-გვ.610

• 1963 - საქართველოს მეცნიერებათა დამსახურებული მოღვაწე

• ბრძოლა მავნე ჩვეულებათა და ტრადიციათა წინააღმდეგ (ავტორი). - თბილისი, საბჭ. საქართველო, 1980. - 65გვ.
• სახელმწიფოსა და სამართლის საკითხები "ვეფხისტყაოსნის" მიხედვით (ავტორი). - თბილისი, თბილ. უნივერსიტეტი, 1977. - 261გვ.
• ნარკვევები საქართველოს სახელმწიფოსა და სამართლის ისტორიიდან (ავტორი). - თბილისი, ცოდნა, 1963. - 278გვ.