სტეფანოზ II

ქართლის ერისმთავარი VII საუკუნის შუა წლებსა და II ნახევარში. მას დაუსრულებია მცხეთის ჯვრის ეკლესიის მშენებლობა, რომლის ფასადზე შემორჩენილია მისი რელიფიური გამოსახულება. როდესაც ქართლს არაბები მოადგნენ, სტეფანოზ II-მ, რადგან ქართლის შესაძლო მოკავშირენი უკვე დამარცხებული იყვნენ, წინააღმდეგობა უაზროდ ჩათვალა და არაბთა სარდალს ჰაბიბ იბნ მასლამას ელჩი აახლა ზავისა და მშვიდობის თხოვნით; არაბთა სარდალი კმაყოფილი დარჩა, ქართველთა ელჩს თავისი წარმომადგენელი გამოაყოლა შეუვალობის წიგნით, მალე კი თვითონაც მოვიდა თბილისში და ქალაქს "დაცვის სიგელი" უბოძა.

წყარო: თბილისი: ენციკლოპედია.- თბ., 2002. - გვ.843; http://ka.wikipedia.org/wiki/სტეფანოზ_II