გიორგი იობიშვილი

დაბადების ადგილი: სოფელი მაკვანეთი, ოზურგეთის რაიონი.

 გიორგი ადრე დაობლებულა, მისი აღზრდა და სიმღერაში გაწაფვა იტვირთა მისმა ბიძაშვილმა, ცნობილმა მომღერალმა ეგნატე იობიშვილმა; გამორჩეული ნიჭის წყალობით შეგირდი ისე დაოსტატდა, რომ მალე მასწავლებელს გადააჭარბა; გიორგისთან ერთად ეგნატე სიმღერას ასწავლიდა თავის დისწულს - ნანიკო ბურძგლას, რომელიც გურიის სხვა სოფლიდან ჰყავდა ჩამოყვანილი; გიგო ერქომაიშვილმა და გიორგი ბაბილოძემ პირველად ქორწილში მოისმინეს იობიშვილის, ბურძგლას და მათი მასწავლებლის შეხმატკბილებული ღიღინი; გიგოს ძალიან მოეწონა ჭაბუკების სიმღერა, გიორგი იობიშვილს ხასანბეგურას დაწყება სთხოვა, გიორგიმ გაბედულად წამოიწყო, ბაბილოძემ გამყივანი დააწია, გიგო ერქომაიშვილმა - ბანი; ახალგაზრდა დამწყები ისე განსხავებულად, თავისებურად მღეროდა, ისეთ იმპროვიზაციებს მიმართავდა, რომ სიმღერაში გამობრძმედილ გიგოსა და გიორგის სიფრთხლის გამოჩენა დასჭირდათ; ის დღე იყო და ის დღე, გიგო ერქომაიშვილს და გიორგი ბაბილოძეს მის გარეშე აღარ უმღერიათ; გიორგი იობიშვილი მონაწილეობდა რუსეთ-ოსმალეთის ომში 1877-1878 წლებში. იქ მან უმცროსი ოფიცრის წოდება და "წმინდა გიორგის სისხლის ჯვარი" მიიღო. მის არაჩვეულებრივ იმოპროვიზაციებს გურული მომღერლები დღემდე სამაგალითოდ მიიჩნევენ; ქართველი თვითნასწავლი მომღერალი, ლოტბარი, გურული ხალხური სიმღერების შემსრულებელი.