ლადო სუხიაშვილი

დაბადების ადგილი: სოფელი მამკოდა, თბილისის მაზრა, მცხეთის რაიონი.

რევოლუციური მოძრაობის მონაწილე საქართველოში. არალეგალურ რევოლუციურ მოღვაწეობაში ჩაება თბილისში, საზეინკლო სახელოსნოში მუშაობისას. 1905-1907წწ. რევოლუციის დროს აქტიურად მონაწილეობდა თბილისის მუშათა პოლიტიკურ გაფიცვებსა და რევოლუციურ გამოსვლებში. არაერთხელ იყო პატიმრობასა და გადასახლებაში. 1913 წელს ბოლშევიკების თბილისის საქალაქო კომიტეტის წევრად აირჩიეს, 1917 წელს აქტიურად მონაწილეობდა საქართველოს მენშევიკური ხელისუფლების წინააღმდეგ ბრძოლაში. 1918 წელს იყო დუშეთის მაზრის გლეხთა აჯანყების ერთ-ერთი ხელმძღვანელი, პარტიის დუშეთის სამაზრო კომიტეტის მდივანი. 1920 წლიდან თბილისის ბოლშევიკური ორგანიზაციის ერთ-ერთი ხელმძღვანელი. 1930 წელს აირჩიეს საქართველოს კპ (ბ) ცკ-ის პირველ მდივნად; 1931 წელს საქართველოს სახკომსაბჭოს თავჯდომარე იყო. 

 წყარო: ქართული საბჭოთა ენციკლოპედია: ტ.9-თბ., 1985.-გვ.616

• ამიერკავკასიის სამხარეო კომიტეტი, წევრი
• ასფსრ ცაკი, წევრი
• საქართველოს სსრ ცაკი, წევრი
• სკკპ, წევრი (1904-)
• სსრკ ცაკი, წევრი