მამია ზოდელავა

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1972 წელს.

1976–1988 წლებში მუშაობდა თბილისის სახელმწიფო სამედიცინო ინსტიტუტისა და თბილისის ექიმთა დახელოვნების ინსტიტუტის კათედრებზე. 1988–2006 წლებში იყო ჰემატოლოგიის და ტრანფუზიოლოგიის კათედრის გამგე, პროფესორი; 2001 წლიდან სახელმწიფო სარეზიდენტურო პროგრამის(სპეციალობა-ჰემატოლოგია) დირექტორი, ამავე წლიდან-ჰემატოლოგიისა და ქიმიოთერაპიის კლინიკა "ჰემას" დირექტორი, 2006 წლიდან თბილისის სახელმწიფო სამედიცინო უნივერსიტეტის ონკოლოგიის და ჰემატოლოგიის დეპარტამენტის ონკოჰემატოლოგიის მიმართულების სრული პროფესორი. მამია ზოდელავას კვლევის ძირითადი სფეროა: მწვავე ლეიკემიების ქიმიოთერაპიისადმი რეზისტენტობის პროგნოზირება და დაძლევის პრინციპების შემუშავება. არის მრავალი სამეცნიერო შრომის, მათ შორის 1 მონოგრაფიისა და 1 გამოგონების ავტორი. მედიცინის მეცნიერებათა დოქტორი (1987), პროფესორი (1990). ჰემატოლოგი.

წყარო: საქართველო: ენციკლოპედია: ტ.III.–თბ., 2014.-გვ.374

• თბილისის სახელმწიფო სამედიცინო უნივერსიტეტის მედიცინის ფაკულტეტის სადისერტაციო საბჭო , თავმჯდომარე (2007-2009)
• საქართველოს მედიცინის მეცნიერებათა აკადემია , ნამდვილი წევრი (1998-)
• საქართველოს სახელმწიფო სამედიცინო აკადემიის დიდი საბჭო , წევრი (1996-2005)