გიორგი ტარასაშვილი

დაბადების ადგილი: სოფელი ველისციხე, გურჯაანის რაიონი.

დაამთავრა თბილისის სახელმწიფო უნივერსიტეტის აგრონომიის ფაკულტეტი 1927 წელს.

1951-1970წწ. საქართველოს სასოფლო-სამეურნეო ინსტიტუტის ნიადაგმცოდნეობის კათედრის პროფესორი იყო, შემდეგ მეცნიერ-კონსულტანტი. შეისწავლა კახეთის რაიონების ნიადაგები. გამოიკვლია საქართველოს მაღალმთიანეთის ალპური და სუბალპური ზონების ნიადაგები. საფუძველი ჩაუყარა მთა-მდელოს ნიადაგების სისტემატიკასა და გენეზისის შესწავლას, შექმნა შრომები ტყის ყომრალი ნიადაგების შესახებ და სხვა. ეკუთვნის სახელმძღვანელოები და ნაშრომები: "ნიადაგთმცოდნეობის შემოკლებული კურსი" (1935), "ნიადაგთმცოდნეობა" (1965), "აღმოსავლეთ საქართველოს მთა-ტყისა და მთა-მდელოს ნიადაგები" (1956) და სხვა. ნიადაგთმცოდნე, სოფლის მეურნეობის დოქტორი და პროფესორი (1951). მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.9-თბ., 1985.-გვ.659

• 1962 - საქართველოს მეცნიერებათა დამსახურებული მოღვაწე
• საპატიო ნიშნის ორდენი
• შრომის წითელი დროშის ორდენი

• ნიადაგმცოდნეობა : სახელმძღვ. სას.-სამ. ინ-ტებისათვის (ავტორი). - თბილისი, განათლება, 1965. - 398გვ.
• ნიადაგის ნაყოფიერების ზრდის გზები : ლაგოდეხში წაკითხული საჯარო ლექციის სტენოგრამა (ავტორი). - თბილისი, სტალინის სახ. თბილ. სახელმწ. უნ-ტის სტ, 1955. - 36გვ.