ზოსიმე II (კუმურდოელი ეპისკოპოსი)

ზოსიმე II(ერისკაცობაში-ზებედე) იყო კუმურდოელი ეპისკოპოსი XV საუკუნის ბოლოსა და XVI საუკუნის შუა წლებში. აღიზარდა ქართლის მეფე გიორგი VIII-ის ასულის, ქეთევანის კარზე. 1515 წელს ზოსიმე II ბერად აღიკვეცა. ამავე წელს მოხდა მისი ეპისკოპოსად ხელდასხმაც, რასაც ადასტურებს კუმურდოს ტაძრის მინაშენზე არსებული წარწერა. ზოსიმე II-ის დიდი წვლილი მიუძღვის იერუსალიმის წმინდა მიწაზე ქართველთა უფლებების დაცვასა და კათოლიკეებისაგან გოლგოთის გამოხსნის საქმეში(XV–XVI სს. მიჯნა), რის გამოც ზოსიმე II-ის სახელზე სამუდამო კანდელი დაიკიდა გოლგოთასა და ჯვრის მონასტერში. 2002 წლის 17 ოქტომბერს, კუმურდოს საეპისკოპოსო კათედრის აღდგენასთან ერთად, ზოსიმე II წმინდანად შერაცხეს. წმინდა მოწამე ზოსიმე II-ის ხსენების დღეა 1(14) მაისი.

წყარო: საქართველო: ენციკლოპედია: ტ.III.–თბ., 2014.-გვ.387